BCMaterials, Bio-based Industries Consortium-eko kide elkartu berria

BCMaterials Bio-based Industries Consortium-eko (BIC) kide elkartu bihurtu da. Erakunde horrek sektore bioindustrialeko lankidetza publiko pribatuaren ordezkari gisa jarduten du Europako Batzordearen aurrean, gure kontinenteko bioindustria 2050erako ekonomia zirkularrean murgildutako gizarte baten motor bihurtzeko helburuarekin.

BIC-ek industria, erakunde akademikoak eta ikerketa-erakundeak, eskualdeak eta herritarrak lotzen ditu, oinarri biologikoko lehengaiak produktu eta aplikazio jasangarri berri bihurtzeko, eta bioekonomia zirkularreko ekosistemak sortzeko, inbertsioen, berrikuntzaren eta ezagutzen bidez.

Bertako kideek hainbat sektore ordezkatzen dituzte, hala nola nekazaritza eta nekazaritzako elikadura, akuikultura, produktu kimikoak, basogintza, papera, hondakinen eta materialen kudeaketa eta tratamendua, BCMaterialsen jarduera-eremua.

BCMaterials-en helburua da biooinarrituriko ekonomiaren industria-garapena bizkortzen laguntzea, material berrien arloan dugun esperientziatik eta ezagutzatik abiatuta, garapen iraunkorraren ikuspegitik.