Ekainaren 20tik 22ra, Europako zientzia neutronikoetako aditu nagusietako batzuk IMoH 2022, 1st International Meeting on Challenges and Opportunities for HICANS kongresuan bildu ziren. Martina Casiano eraikineko auditorioan (BCMaterials-en egoitzan) egin zen ekitaldia, eta aitzindaria izan zen nazioartean HICANen tratamendu espezifikoan. Neutroi-iturri trinko horien helburua da zientzialariei eta ikasleei neutroiekin esperimentaziorako sarbidea erraztea, Europan eta beste kontinente batzuetan dauden instalazio handiak osatuz.
BCMaterials, ESS Bilbao, CFM Donostia eta Ineustar (Zientziaren Industriaren Espainiar Elkartea), Euskadiko zientzia eta teknologia neutronikoetako erreferentzia-erakunde gisa, kongresuaren antolatzaileak izan ziren. Biltzarrean Alemania, Erresuma Batua, Frantzia, Suedia, Italia, Hungaria, Eslovakia edo Israeletik etorritako zientzilariek parte hartu zuten…
Neutronika, ardatz estrategikoa
IMoH2022k, HICANSen potentzial zientifikoa eta industria-eremura eramatea ez ezik, estatuan eta nazioartean ekipamendua fabrikatzen duten puntako enpresen parte-hartzea ere izan zuen. Halaber, zientzia neutronikoen artearen egoera aztertu zuen. Zientzia eta teknologia horiek ardatz estrategikoa dira gobernuen zientzia- eta teknologia-planetan, oso potentzial berritzailea baitute, eta hainbat aplikaziotan, hala nola, bizitzaren zientzietan, medikuntzan, energian, ingurumenean, telekomunikazioetan eta abarretan.
Hain zuzen, IMoH2022ren helburuetako bat Euskadiren lana neutronika garatzeko estrategian proiektatzen laguntzea zen. Biltzarraren inaugurazio-egunean, euskal erakundeen ordezkaritzak zientzia horietan egiten ari den lana berresteko balio izan zuen.
Eusko Jaurlaritzaren aldetik, Adolfo Morais Unibertsitate eta Ikerketa sailburuordea eta Estíbaliz Hernáez Teknologia, Berrikuntza eta Eraldaketa Digitaleko sailburuordea izan ziren. Inmaculada Arosteguik gauza bera egin zuen EHUko ikerketa-errektoreorde gisa.
