Izena eman PrintFun, BCMaterials-eko inprimaketa funtzionaleko eskolarako, irailaren 25 eta 26an
BCMaterials-ek PrintFun - Autumn School on Functional Printing Materials and Technologies antalatuko du irailaren 25 eta 26an bere Leioako egoitzan. Prestakuntza-jarduera honek aukera bikaina eskaintzen du 2D eta 3D inprimaketa funtzionalaren metodoetan eta tekniketan hasteko, programa teoriko-praktiko oso baten bidez.
Teoria klaseak eta saio praktikoak tinten garapenetik gailuen diseinura (karakterizazio fisiko-kimikotik funtzionalera) doazen alderdiez arduratuko dira. Halaber, programak teknika adierazgarrienetako batzuk jasotzen ditu, hala nola serigrafia, tinta-injekzioa, esprai bidezko inprimaketa, zuzeneko tinta, aerosola, estereolitografia eta abar.
Hori guztia, BCMaterials-eko zientzialariek osatutako irakasle-panel handi baten eskutik. BCMaterials Funtsezko garapenetatik aplikazioetara material aurreratuetan erreferentziazko nazioarteko zentroa da, eta inprimaketa funtzionalerako lehen mailako ekipamendua du.
Plaza mugatuak
Gehienez 20 plazako edukierarekin, PrintFun - Autumn School on Functional Printing Materials and Technologies ikasleei zuzenduta dago, baina baita 2D edo 3D tekniketan hasi edo ezagutza osatu nahi duten profesionalei ere.
Aurretiko izen-emateak eskolaren webgunearen bidez egiten dira (printfun.school)
Data nagusiak
- Aurrez erregistratzeko epea: maiatzaren 31ra arte
- Onartutako pertsonei jakinaraztea: ekainak 6
- Erregistro aldia: Ekainaren 7tik 21era
- School programa: irailak 25 eta 26
Kontaktua
Interesa duen edonor jar daiteke harremanetan eskolako antolakuntzarekin helbide elektroniko honen bidez: printfun@bcmaterials.net
Related news
Azala berria Advanced Electronic Materials aldizkarian
“Printed Memristors: An Overview of Ink, Materials, Deposition Techniques, and Applications”, BCMaterials eta kolaboratzaileek egindako argitalpena Advanced Electronic Materials aldizkarian 10:…Son Singh eta Shehla Gul, BCMaterialseko ikertzaile berriak
BCMaterials-en ongietorri beroena egin nahi diegu Son Singh eta Shehla Gul doktoratu ondoko eta doktoratu aurreko ikertzaileei. Singh doktoreak Material eta Azalera Funtzional Aurreratuen ikerketa-…"Sustainable Materials for Energy Production" workshoparen harrera bikaina
Joan den abuztuan "Sustainable Materials for Energy Production" workshopa egin zen Mexikon 32nd International Materials Research Congress-en (IMRC). Mexikoko Materialen Elkarteak (SMMater) eta…Azala berria Advanced Functional Materials aldizkarian
“Enhancing Single-Layer WSe2 Light Emission in Perylene-Doped Polymer Films through Efficient Energy Transfer”, BCMaterials eta kolaboratzaileek egindako argitalpena Advanced Functional Materials…