ADDMAG proiektua: iman molekularrentzako ikuspegi berria

BCMaterialsek ADDMAG (Additive Manufacturing of Molecule-based Magnets) proiektua garatuko du datozen bi urteetan. Proiektu hori Eusko Jaurlaritzako Hezkuntza Sailak finantzatuko du, oinarrizko eta/edo aplikatutako ikerketa-proiektuetarako PIBA programaren bidez.
ADDMAGen helburua da tenperatura altuetan lan egingo duten iman molekularren belaunaldi berrirako zimenduak jartzea. (Tenperatura altuari buruz hitz egiten dugunean esaten dugu nitrogeno likidoaren irakite-puntuaren gainetik, hau da, aplikazioetarako gomendatutako gutxienekoa, lan egiten dela). Proiekturan bigarren helburua metodología berriak aztertzea gaur egungo teknologietan ezartzeko. Metal puruetan, metal oxidoetan eta aleazioetan oinarritutako imanak gailu askotan erabiltzen dira. Adeibidez telefono mugikorretan, turbina eolikoetan...
Helburuko konposatuak kostu txikiko ligando erredox aktiboekin eta ioi metaliko ugarirekin koordinatutako polimeroak izango dira. Horrela, material gatazkatsuak alde batera utzi nahi dira, hala nola lur arraroak, gaur egungo imanetan ohikoak direnak. Era berean, iman horiek sortzeko prozesuak ingurumenean eragin txikiagoa izango du.
Proiektuak, lehen fasean, sintesi-prozesuak hobetzen lan egingo du. Erabilitako estrategia sintetikoak interes teknologikoko bi propietate konbinatzea ahalbidetuko du, magnetismoa eta eroankortasun elektrikoa, konposatu bakar batean, sortzen diren materialei interes zientifikoa eta aukera teknologiko gehigarriak emanez.
Bigarren fasean, konposatuak funtzionalizatu egingo dira fabrikazio gehigarriko teknologiekin bateragarri egiteko. Horrek forma eta propietate espezifikoak dituzten materialak fabrikatzea erraztuko du, balio handiko aplikazio espezifikoetan hobeto integratzeko.
Related news
BCMaterialsen Patronatu berriaren bilera
Joan den apirilaren 1ean BCMaterialsen Patronatu berriaren bilera egin zen. Bilera horretan, ikastetxearen egoera orokorra berrikusi zen, eta 2024ko Urteko Memorian jasotako emaitzak eta jarduerak…Track the Twin: puntu kuantikoak hobetzeko biki digitalak
BCMaterials-ek parte hartzen duen Marie Curie "Track The Twin" doktore-sarea abian da. Proiektu honen helburua da puntu kuantikoen errendimendua denboran zehar hobetzea, biki digitalak sortuz. Xede…Maibelin Rosales, Txileko Emakume Zientzialarien Taula Periodikoan
Maibelin Rosales, gure doktoretza-ondoko Marie Curie ikertzailea zoriondu nahi dugu, Txileko Emakume Zientzialarien Aldizkako Taulan onartutako 118 ikertzaileetako bat izateagatik. Taula Txileko…Esraa Sewlam eta Lía Campos, BCMaterialseko doktore berriak
Gure zorionik beroenak eman nahi dizkiegu Esraa Sewlam eta Lía Campos Arias doktoratu aurreko ikertzaileei UPV/EHUn Materialen Zientzia eta Teknologiako doktore titulua lortzeagatik. Sewlamek…